Bizitzaren, bakearen eta berdintasunaren aldeko Agiria

FAOk adierazi berri duenez, munduan 35.000 haur gosez hiltzen da egunero. Ezer egin gabe egunero pairatzen dugun neurri gabeko genozidioa da. Une berean, munduan egiten den eguneroko gastu militarra 2.800 milioi dolarrekoa da eta Estatu Batuek zein Europar Batasunak beren nekazaritza babesteko egunero zuzentzen duen dirutza 800 milioikoa da. Ez omen dago HIESaren aurkako bitartekoak ikertzeko... baina gerrarako industria militarrak osaturiko sarea da munduan ekonomia neurri handi batean zuzentzen duena. Premiazkoa da justizian oinarrituriko banaketa egitea. Bazterketa eta laidoa, oldarkortasuna, gorrotoa eta erradikalizazioa bultzatzeko biderik eraginkorrenak. Bortxakeria justifika ezina da, baina oinarrian dituen egoerak tentuz aztertu behar dira.

Guztiontzat onuragarria izango litzatekeen garapen orokorrerako plangintza bideratzeko Nazio Batuek behar dituzten bitartekoak eta autoritatea indartu beharrean, alde anitzeko ekin bidea bultzatu beharrean, gero eta txiroagoak diren herrien natur baliabideen ustiapen basatiari eusten zaio, bertako herritarren migrazioa bultzatuz eta berauen duintasunaren zapuzteari ateak irekiz. Benetako demokrazia ez da erositako botoen bidez, agintearen jarraipen itsuz edota beldurrez eraikitzen dota indartzen. Bortxakeriaren zurrunbiloa, erasoa eta erantzuna, esku hartzea eta zanpaketa besterik sortzen ez duten lapurketarako gerrekin, indar erakustaldiekin, gudu ekintzekin edota energia zein ekonomiaren interesek zuzendutako politikekin, ezin dakieke munduak bizi dituen erronka handiei eta maila guztietako egoera asimetrikoei aurre egin.

Agintariek beraien ardura politikoak aspaldian baztertu zituzten, balore unibertsalen ordez merkatu legea hautatuz. Ondorioa argia da, aberastasuna esku gutxitan metatu den bitartean, etendura soziala eta ekonomia indartu dira bazter guztietan.

POBREZIARI EZ! Mundu mailako aldarrikapenaren bidez, Milurteko Helburuak betetzeari lehentasuna eman diezaioten eskatu behar zaie agintariei. Etsipena baztertzeko unea iritsi da, norbanakoaren inplikazioaren garaian gaude.

Berriz ere adierazi nahi dugu atentatuak eta bortxakeria ez ditugula justifikatzen, datozen tokitik datozelarik… Mota guztietako terrorismoa arbuiatzen dugu: sasian ezkutatzen diren taldeena eta Estatu Terrorismoarena. Tortura erabili da, tratu txar eta iraingarriak zabaldu dira, nazioarteko zuzenbidea eta giza eskubideak zapuztuz.

Nazioarteko Komunitateak amaiera eman behar dio basakeria horri, sarraskiei. Nazio Batuetako Gutunak dioen bezalaxe, herriak dira bere etorkizuna erabaki behar dutenak. Premiazkoa da munduko herri guztien ahotsa elkartzea eta ozenki adieraztea: NAHIKOA DA! GERRA ETA BORTXAKERIARI EZ.

Gehiegitan geratu izan gara isilik. Bukatu da isilunea. Herriek beren ahotsa indartuko dute. Gerra guztiontzat tragedia da. Premiazkoa da armen arrazoia desegitea. Gaur, inoiz baino gehiago, elkarlanerako eta elkarrizketarako gaitasuna dira beharrezkoak, ezinbestekoa da gatazkei konponbide baketsua bilatzeko ahalegina egitea, besteekiko begirunea eta elkar ulertzea bultzatzen duten jarrerak indartzea, besteak beste, Giza Eskubideak egunero bideratuz.

Herrien arteko elkartasuna garatuz eta guztion arteko ekimen bateratuak jorratuz, gertakarien norabidea aldatzea beharrezkoa da. Premiazkoa da intelektualek, artistek, hezitzaileek, zientzilariek... beren pasibotasuna alde batera utzi eta ekintzara jotzea. Hori izango da beren idazkiek eta hitzek sinesgarritasuna berreskura dezaten bide bakarra eta, bide batez, beraien ahaleginak besteenekin elkartzeko modua gerraren, konfrontazioaren eta erokeriaren aurka.

Pertsonen garaia iritsi da. Eta, batez ere, gazteena, bestelako mundu bat bideragarria dela pentsatzen duten gizon eta emakumeena. Instituzioek eta hedabideek munduko jendarte lagundu behar dute, behingoz, ikusle izateari utzi eta benetako protagonistak bilaka daitezen etorkizuna finkatzeko unean. Agintariek, legebiltzarkideek, Udalbatzek... guztiek dute ardura berezia aldaketa historiko horretan.

Kultura eta erlijio ezberdinen ordua ere iritsi da, guztien oinarrian dagoen urkoarekiko maitasuna eta elkartasunean bat eginik, giza duintasunaren berreskurapenaren aldeko borrokan aintzindari izan daitezen.

Ezinbestekoa da herriek, mobilizazioak bideratuz, jendarte, kultura, politika eta izpiritu mailako erresistentzia garatzea, bortxakeriaren eta justizia ezarekin eskutik ez joatea, menperatzaileak eta gizateriak munduan bizi duen egoera salatzea.

Zutik jarri behar dugu, bakearen alde zutik  eta bizitzaren ostertz berrietara abiatu, heriotzaren garamatzaten norabideak baztertuz. Arazoak arazo, hori da esperantza bakarra.

Esandakoarengatik, eta begirada belaunaldi berrietan jarriz, dei bat luzatzen diegu borroka honetan kide sentitzen diren guztiei, modu baketsuan mobiliza daitezen, esku artean dituzten bitarteko guztiak erabiliz, zuzenekoak zein birtualak, parte hartuz, bakearen alde bat eginez.

GERRA ETA BORTXAKERIARI EZ

JUSTIZIA ETA BAKEARI BAI

Pixkana-pixkana  aurrerapen nabarmenak lortzen baditugu, “mundu osoak kontzientzia hartzea” lortuko dugu; hots, herrien benetako independentzia lortuko dugu.

Lehen atxikipenak: 

Adolfo Pérez Esquivel - Nobel de la Paz, Argentina

Mario Soares - Ex Presidente de Portugal

Federico Mayor Zaragoza -Presidente de la Fundación Cultura de Paz, España

Pere Casaldàliga - Obispo, Brasil

Danielle Mitterrand - Presidenta France Libertés, Francia

François Houtart - Teólogo , Bélgica

Montserrat Ponsa - Periodista, Catalunya, España

Luís Eduardo Aute - Cantautor, España

Arcadi Oliveras - Presidente Justicia i Pau, Catalunya, España

Ernesto Cardenal - Teólogo, Nicaragua

Marilia Guimaraes - Presidenta Comité Defensa de la Humanidad, Brasil

Handel Guayasamín -Arquitecto, Ecuador

Silvio Rodríguez - Cantautor, Cuba

James Cockcroft - Escritor, EEUU

Eliseu Climent, València

José Enrique González Ruiz, México

Giovanni Parapini, Periodista, Roma

Marianna Masciolini, Comunicación, Roma

María Novo - Escritora y Ambientalista, España

Betty Williams - Nobel de la Paz, Irlanda

Joan Saura - Consejero de la Generalitat de Catalunya, España